دكتور باعلام الأزهر يقدم الافطار لتلاميذه يوميا..يقيم مائدة الرحمن فى القاهرة و١٢ فرعا بالمحافظات

كتب ـ احمد عسلة :
اعتاد الدكتور محمد طه أو كما ينادونه بالدكتورحمدى طه دكتور فى كلية إعلام جامعة الأزهر كل يوم وهو داخل المحاضرة ان يدخل ومعه عامل هذا العامل يكون بحوزته شوال سندوتشات فول وطعمية وكراتين بسكويت أولكر ، ايضا معه عامل تانى يحمل صوانى عليها كوبايات شاى بالعشرات وبيوزع كل ذلك على الطلبة فى المحاضرة…
هذا الراجل المحترم يعمل كل ذلك عشان الطلبه تلاتة أرباعهم بيبقوا جايين من سفر ومغتربين فبيبقوا لسه ما فطروش ،

بيعمل كده من أول ما درس لغاية دلوقتى كل يوم بدون ملل او كسل أو استخسار .
الراجل ده كمان عنده مائدة رحمان فى المقاولون العرب طريق الأوتوستراد إسمها ( ساحة آل البيت ) ، مفتوحه من 8 الصبح ل 10 بالليل ( فطار – غدا – عشا ) طول السنه ببلاش والمائدة لا تقبل تبرعات مادية أو عينية بقالها أكتر من 20 سنة قائمة على إطعام الطعام ، لا سيما فى شهر رمضان الكريم ، والأكل بها ( مشويات وأسماك وخير الطعام ) ده غير ال 12 فرعا فى 12 محافظه .

كل ذلك طبعا غير ثقافته العاليه جدا وعلمه الغزير وطريقة شرحه السلسه وحبه للطلبه وتقديره لظروفهم..
فى مائدة إفطار الصائمين اللي بيعملها فى رمضان، جاءت سائحة نيرويجية مع الخادمة بتاعتها ودخلت وقت الإفطار وطلبت «أكل خاص» مش موجود فى المائدة وبالفعل قعدوها وجابوا لها الأكل وأكلت ولما خلصت جت تدفع الحساب، فقالوا لها مفيش حساب وجابوا الدكتور قالها إحنا بنعمل دا لأن ديينا أمرنا نتكافل ونتراحم، ومشيت السائحة وجاءت بعد فترة معاها زوجها وأعلنوا إسلامهما فسألها الدكتور ليه أسلمتي قالت: الدين اللي بيأمر أتباعه بالأفعال دي لازم نتبعه.. وفضلت كل زيارة تجيب حد من أصحابها لحد ما وصلوا 70 ..
حقه علينا إننا نوفيه جزءا من حقه بإن الناس تعرفه وتدعو له …