أنباء العصر جريدة إليكترونية شاملة
علاء والي يكتب .. رمضان ليست له علاقة بسلوكيات الناس فى الشارع
رمضان ليست له علاقه بسلوكيات الناس في الشارع للاسف ظاهرة جديدة موجودة في الناس الناس بتتحجج بالصيام ويتخانقوا مع بعض ويتبادلوا الالفاظ بعض بافظع الالفاظ فى نهار رمضان يا سادة إن السلوكيات ليست له علاقة بالصيام ربنا سبحانه وتعالى قال ( يا أيها الذين آمنوا كتب عليكم الصيام كما كتب على الذين من قبلكم لعلكم تتقون ) يعنى نتيجة هذا الصيام بتكون التقوى والعمل الصالح والسلوكيات الحسنة إنما اللى بيحصل من بعض الناس فى الشارع وخصوصا قبل الافطار بساعة دة ملوش علاقة لا بالتقوى ولا الصيام ده واحد جعان ومكسوف ياكل يقوم يفتعل مشاجرة مع حد ماشى بجواره بدون اى سبب لما بنشوف مشكلة شغالة ونسأل ايه السبب مبنلاقيش سبب يستحق المعركة والسباب القذر ده حضرتك مش قد الصيام وروحانياته متصومش وخللى بالك الخطاب فى الآية الكريمة للمؤمنين ربنا قال ( يا أيها الذين آمنوا كتب عليكم الصيام ) إنما للاسف الصيام أصبح مجرد عادة عند بعض الناس هو نشأ لقى أهله بيصوموا فى رمضان لكن لا. عرفوه معنى الصيام ولا قيمة شهر رمضان اهو بيبطل اكل وشرب من الفجر لحد المغرب وخلاص هو ده يا جماعة التفسير الوحيد للمعارك اللى بتحصل فى رمضان بالذات وخصوصا الفترة اللى قبل الافطار وممكن يحصل فيها جرائم قتل كمان تلاقى واحد يقول للتانى متخلنيش أفطر عليك ياعم وهو ماله تفطر عليه انت لو عارف قيمة الصيام اصلا مش هتقول الكلمة دى ولو عارف خسارتك من الفطر يوم فى رمضان بدون عذر اكيد مش هتقول الكلام ده ولا هتتعارك اصلا ويمكن كمان متخرجش من بيتك اصلا ما شرع الصيام يا جماعة الا للعبادة والمصالحة مع النفس ومع الله رمضان شهر روحانى وفرصة للى بيفهم عشان يتصالح مع نفسه ومع ربه ويجمع حسنات تنفعه فى آخرته الخلاصة الشهر المبارك برئ من أفعال بعض الناس فى الشارع بحجة الصيام شوفلك حجة تانية
