شريف منير ” يصف اللحظات الأخيرة في حياة الفنان طارق عبدالعزيز ” ومشاهدته لطلوع روحه أمامه”

كتب : حلمى اسماعيل

وصف الفنان شريف منير، كواليس اللحظات الأخيرة للفنان الراحل طارق عبدالعزيز، أثناء مسلسل «وبقينا اتنين».

وكشف شريف منير في مداخلة هاتفية مع برنامج «الحكاية» مع الإعلامي عمرو أديب: «كان عندنا تصوير النهارده في فيلا بأكتوبر الساعة 11 الصبح، وطارق كان بيلعب شخصية شريف، وكان موجود، وفي حالة تألق عالية جدًا، ونفسية جيدة ونشيط وبيضحك وبيهزر، وكل حاجة كانت ماشية بشكل طبيعي».

واضاف بأنه خلال مشهد أنا بعمله وهو وممثلة شابة عملنا بروفة وصورنا أول مرة الشوت، وكان واقف جنبي، فـالمخرج قال عاوزين نعمله مرة تانية».

وتابع حديثه بأن المخرج بيقول أكشن جه طارق تجاهي وشوفت لونه بيروح وسند عليا وقعد على كرسي، وقال لي مش قادر أقف على رجلي وجسمه أصفر، وفجأة أبيض وجسمه سقع وحاولت أدلكله قلبه ولقيت عينه مرفوعة لفوق وفتحت له القميص، وجيت اسمع ضربات قلبه مسمعتش حاجة».

واكمل الحديث : قمنا بنقله بعدها على الفور للمستشفى، ولما وصلنا هناك الدكاترة قالولنا إنه جه المستشفى متوفي، وأنا شفته وروحه بتطلع» عليه رحمة الله .